Baahar ujaala hai.....andar veeraana...

Kal ek savera hai, jis tak jaana hai,
Raasta andhera hai, lekin paar to paana hai,
Mod hai ye ajeeb kash-m-kash ka,
Lekin kashti ko kinare tak to pahunchana hai.

Dedicated to the miseries that I see sown deep in those few whom I love deeply. Keep faith, this is life and remember, there shall always be a few who care. Inspiration, as so many times before, came from Varunda.

Kya main galat hu?

Kwahish hai jeene ki, paane ki, muskurane ki,
To kya main galat hu,
Aarzoo hai tujhko baahon me thaamne ki,
To kya main galat hu,
Lafzon me baya(n) nahi ho pati kahani meri,
To kya main galat hu,
Tu sahi na ho chahe, maanta hu agar har baat teri,
To kya main galat hu,
Ishq me agar khud ko karta jaa raha hu fanaa,
To kya main galat hu,
Bin ummeed ke bhi dil me agar bachi hai ek tamanna,
To kya main galat hu,
Ek saa(n)s bhi lu to aaye agar teri khushboo,
To kya main galat hu,
Tujhko paane ke liye aaj agar badalna chahu,
To kya main galat hu,
Batao, kya main galat hu?